ISHTARTHA BABY NAMESN

ISHTARTHA BABY NAMESN

Special Service

viber

viber

Official web

Official web

ISHTARTHA BABY NAMES

ISHTARTHA BABY NAMES

ISHTARTHA BABY NAMES

ISHTARTHA BABY NAMES

BABY NAMES

BABY NAMES

Thursday, September 15, 2016

ඔබේ දරුවාට අරුත්බර නව තාලයේ සිංහල නාමයක් අප වෙතින් ......

දෙමව්පියන්ගේ අභිමතය පරිදි, අවශ්‍ය හැඩයේ, අලංකාර නව තාලයේ නාමයක් අප වෙතින් ...
  • අවශ්‍ය භාෂා හැඩහුරුකම් සහිත නාමයන්
  • විශේෂ අර්ථයක් කැටි වූ නාමයන්
  • දෙමාපියන්ගේ නම්වල හැඩරුව සහිත නාමයන්
  • විශේෂ සම්ප්‍රදායන්ට අයත් නාමයන්   (හෙළ බෞද්ධ / පැරණි සිංහල)
  • වැඩිමල් දරුවන්ගේ නම්වල හැඩරුව සහිත නාමයන්
  • ශුභ ගණ පිහිට වූ ශුභ නාමයන්
ඔබේ අවශ්‍යතාව නිවැරැදිව අප වෙත දැනුම් දී, ඔබේ සිතැඟි හා සමවන නාමයක් අප වෙතින් නිර්මාණය කරවා ගන්න.

සේවාව පිළිබඳ විස්තර …
  • ජන්ම අක්ෂර පරික්ෂාව
  • දෙමාපිය අවශ්‍යතාවට අනුකූලව සැකසූ විශේෂිත යුගල නාම කිහිපයක් 
  • එක් එක් ජන්ම අක්ෂර සඳහා  වෙන වෙනම නම් ඇතුළත් අමතර නම් ලයිස්තුවක්
  • නම් තැබීමේදී අනුගමනය කළ යුතු උපදෙස්
ලොව කොතැනක සිටියත්, අපගේ සේවාව විශ්වාසයෙන් ඔබ වෙත ...

ඉෂ්ඨාර්ථ බිළිඳු නාම

0766 892 683 / 0719 075 444 /  0112 172 511
srilankababynames@gmail.com 

සාර්ථක දරු නාමයක් ලබා ගැනීම සඳහා මව්පියන් විසින් සම්පූර්ණ කළ යුතු ආකෘති පත්‍රය

දරුවෙකුට නම් තැබීම යනු, යම් ආකාරයකින් බැරෑරුම් කටුයත්තකි. මන්දයත්, නම් තැබීම පිළිබඳ එක් එක් මව්පියන්ගේ අභිලාෂයන් හා අපේක්ෂා එකිනෙකට පරස්පර වන බැවිනි.

තම රුචි අරුචිකම්, සිතුම් පැතුම්, තරාතිරම, අාගම දහම, අධ්‍යාපනය වැනි විවිධ සාධක මත පිහිටා, එක් එක් මව්පියෝ, තම දරුවා වෙනුවෙන් විවිධ අර්ථයන් කැටි වූ, විවිධ සම්ප්‍රදායන්ට අයත්, විවිධ ශබ්දෝක්ති සහිත නාමයන් අප වෙතින් දිනපතා ඉල්ලුම් කරති.

සියලු මව්පියන්ගේ පැතුම වන්නේ, තමාගේ සිතැඟි හා සසඳ‍ෙන, අලංකාර, අරුත්බර,  
නව කාලයට හා අනාගතයට ඔබින, තම දරුවාටම ආවේණික නාමයක් නිර්මාණය කර ගැනීමයි. ඔබගේ අවශ්‍යතාව හැකි උපරිම අයුරින් සංතෘප්ත කර දිමට අප සූදානම්. ඒ සඳහා ඔබ සහ ඔබගේ ඉල්ලීම පිළිබඳ ප්‍රමාණවත් දැනුවත්භාවයක් අප සතු විය යුතු යුතුයි. මේ ආකෘති පත්‍රය ඒ උදෙසායි.


පියාගේ වාසගම සමග සහිත සම්පූර්ණ නාමය : …………………………………….

මවගේ සම්පූර්ණ නාමය : …………………………………….

පියාගේ වෘත්තිය : …………………………………….

මවගේ වෘත්තිය  …………………………………….

ආගම : …………………………………….

පදිංචිය : …………………………………….

දුරකථන අංක : …………………………………….

වැඩිමල් දරුවන්ගේ නාමයන්  (ඇත්නම්) : …………………………………….

දරුවාගේ උපන් දිනය    (අවුරුද්ද /මාසය /දවස) : …………………………………….

උපන් වේලාව  (පෙරවරු / පස්වරු / රාත්‍රී / අලුයම) : …………………………………….

උපන් රට සහ  දිස්ත්‍රික්කය : …………………………………….

දුවෙක්ද පුතෙක්ද යන වග : …………………………………….  (නිවුන් දරුවන් නම් ඒ බව සඳහන් කරන්න) 

අවශ්‍ය නාමයේ හැඩය   (සිංහල බෞද්ධ / සිංහල සෞන්දර්යාත්මක / බටහිර ආරේ) :  …………………………………….       (ඔබ සොයන්නේ ඉංග්‍රීසි නාමයන් නම් ඒ බව පැහැදිලිව සඳහන් කරන්න) 

ආදර්ශ නාමයන්  (සිතැඟි පරිදි නාමයක් ලබා ගැනීමේදී ආදර්ශ නාමයක් සැපයීම අත්‍යවශ්‍ය වේ) : ……………………….

ජන්ම අක්ෂර (පරික්ෂා කර ඇත්නම්) : …………………………………….…………………. ………………….    (ඔබ කැමැති විශේෂිත අක්ෂර ඇත්නම් සඳහන් කරන්න) 

නම් පිළිබඳ විශේෂ ඉල්ලීම්   : ………………………………………………………………. …………………………. … ………. … ………. … ………. … ………. …   (නාමයට ඇතුළත් විය යුතු විශේෂ අර්ථයක් ඇත්නම් ඒ බව සඳහන් කරන්න) 




නාම කතුවරයා ගැන යමක් ....

නලින්ද සම්පත් ලියනගේ   (නලිඳු සැපත්) ...

වසර 15 කට ආසන්න කාලයක සිට මෙරට ජනමාධ්‍ය ක්ෂේත‍්‍රයේ නිරතව සිටින, ජනමාධ්‍ය පිළිබඳ විශේෂ උපාධියක් හිමි, නිර්මාණශීලි ජනමාධ්‍යවේදියෙකි. දැනට ස්වාධීන මාධ්‍යවේදියෙකු ලෙස කටයුතු කරයි. 

ඇසුර FM , රන් FM සහ TV දෙරණ යන නාළිකාවල, සන්නිවේදක හා නිර්මාණ රචක යන භූමිකා හොබවා ඇත. 

වෙළෙඳ දැන්වීම් පිටපත් රචකයෙකු සහ රූපවාහිනි වාර්තා වැඩසටහන් රචකයෙකුද වේ. 

මෙරට ජාතික තලයේ ජනමාධ්‍ය ක‍්‍රියාකාරිත්වයන් රැසක, නිර්මාණ රචකයෙකු වශයෙන් කටයුතු කර ඇත.

TV දෙරණ  නාළිකාවේ විකාශය වූ, ශ‍්‍රී ගෞතම සම්බුද්ධ ටෙලි කතා මාලාවේ (මහ බෝසතුන්ගේ උපතේ සිට බුද්ධත්වය තෙක් කොටස) සිංහල අනුවර්තනීය රචකයාද වේ.  

ගුවන්විදුලි නාට්‍ය රචකයෙකු, ටෙලි නාට්‍ය රචකයෙකු, කවියෙකු හා ගීත රචකයෙකු ද වේ. සිංහල භාෂාව පිළිබඳ මනා පරිචයක් ඇත්තෙකි. ව්‍යක්ත ලේඛකයෙකි. 

ජනමාධ්‍ය හා සන්නිවේදනය විෂය පිළිබඳ ආචාර්යවරයෙකු ලෙස සහ ජනමාධ්‍ය පිළිබඳ දේශකයෙකු ලෙසද කටයුතු කර ඇත. 

නිසග කවීත්වය, භාෂා පරිචය, නිර්මාණාත්මක රචනය, සාහිත්‍යාධ්‍යාශය, දහම් ඥානය, පරිකල්පනය යන භාවිතාවන් ඇසුරෙන්, දශක එකහමාරකට ආසන්න කාලයක සිට මෙරට සිංහල බිළිඳු නාමකරණයේ නිරතව සිටියි. 

Saturday, July 9, 2016

ඔබේ සිතැඟි පරිදි සේවාව ලබා ගැනීම සඳහා ……

දරුවෙකුට නම් තැබීම යනු අතීතයේ නම් උත්කර්ෂවත් මංගල්‍යයකි. අලුත් උපන් ළදරුවාට, සතර පාර්ශවයේ ඥාතීන් ඉදිරියේ, සියලු දෙනාගේ ආශිර්වාද මධ්‍යයේ නම් තැබීම, එකල උසස් චාරිත්‍රයක් ලෙස පැවතිණ.

නාමයක් යනු දරුවෙකුට ජීවිතයේ එක් වරක් පමණක් ලබාදිය හැකි වටිනා දායාදයකි. නාමයක් යනු ජීවිතයේ අතිශය වැදගත් අංගයකි. පුද්ගලයෙකුගේ පෞරුෂය විදහාපාන ප්‍රධාන සංලක්ෂණයක් වන්නේ පුද්ගලයාගේ නාමයයි. ඇතැමෙක් තමාට දෙමව්පියන් විසින් තබන ලද නාමය නුසුදුසු බව, යල් පිනූ එකක් බව පසුකලෙක හැඟී ගියහොත්, ප්‍රසිද්ධියේ තම නාමය වෙනස් කර ගැනීමට පවා පෙළඹෙති. ඕනෑම පුද්ගලයෙකුගේ අනන්‍යතාව ඔහුගේ හෝ ඇයගේ නාමය තුළින් විද්‍යාමන වේ. එම නිසා නාමය යනු පුද්ගලයායි. පුද්ගලයා යනු නාමයයි. පුද්ගලයා නොමැති කලෙක වුවද නාමය පවතී. රූපය දිරයි. නාමය නොදිරයි. උපන් ළදරුවා පුද්ගලත්වයෙන් හැඳින්වෙන්නේ නාමයක් තැබීමෙන් පසු ය. එබැවින් නාමය යනු දරුවෙකු සම්බන්ධයෙන් අතිශය වැදගත් අංගයකි. නම් තැබීම යනු අතිශය වැදගත් සන්ධිස්ථානයකි.
වර්තමාන කාර්යබහුල ජීවිත ගත කරන ඇතැමෙක්ට, තමාගේ දරුවාගේ නාමය වෙනුවෙන් නිසි අවධානයක් හෝ කාලයක් වෙන් කිරීමට නොහැකි වීමට ඉඩ ඇත. එහෙත් දරුවාගේ නාමය සැකසීම සඳහා නිසි ප්‍රමාණවත් අවධානයක් යොමු කළ හැකි නම් වඩාත් වටී.
එක් එක් මව්පියන්ගේ රුචිකත්වයන් විවිධ ය. කෙනෙකු කැමැති ආකාරයේ නමකට තවත් අයෙකු අකැමැති විය හැකි ය. කෙනෙකු තමාගේ දරුවාට පැරණි තාලයේ නාමයක් බලාපොරොත්තු වන විට, තව අයෙකු බටහිර උරුවට ඇසෙන නව තාලයේ නාමයක් අපේක්ෂා කරනවා විය හැකි ය. (එක් දිනක් අපගෙන් සේවාව ලබාගත් මහත්මයෙකු තමාගේ දියණිය සඳහා නාමයක් ඉල්ලන විට පවසා සිටියේ, අපට නෙතුකි වගේ සරල නමක් නම් එපා යන්නයි. එදිනම සේවාව ලබාගත් තවත් මහත්මයෙකු අප සමඟ පැවසුවේ, අපට ඕන නෙතුකි වගේ සරල නමක් යන්නයි). එබැවින් එක් එක් මව්පියන්ගේ පුද්ගලික සිතැඟි අභිලාෂය තේරුම් නොගෙන නාමයන් සැකසීම, ඵල විරහිත බව අපි අත්දැකීමෙන් දනිමු.  නාමකරණය යනු නාමයන් සැකසීමයි.  එය දැනටමත් සාදා ඇති භාණ්ඩයක් කඩෙන් මිළ දී ගැනීම වැන්නක් නොවිය යුතු ය.  එය දරුවාටම අනන්‍ය විය යුතු ය. එබැවින් එය අලුතින් නිර්මාණය කරන්නක් විය යුතු ය.  භාෂා ඥානය හා නිරුක්ති ඥානය යන දෙඅංශයේම එකතුවෙන්, පෙර නොවූ විරූ නාමයන් නිර්මාණය කළ හැකි ය.අපගේ වෑයම, ඔබට වඩාත් තෘප්තිමත් සේවාවක් ලබා දීමයි. අපගේ අරමුණ ඔබේ දරුවාටම ආවේණික, අද කාලයට ඔබින, අලංකාර අරුත්බර නාමයක් සකසා දීමයි.
ඒ සඳහා වැඩි වෙහෙසක් දැරීමට අප සූදානම්.
අප වෙතින් සේවාව ලබා ගැනීමේදී, ඔබට වඩාත් සාධාරණ හා ඵලදායක සේවාවක් සැපයීමට නම් පහත අවශ්‍යතා සම්පූර්ණ විය යුතු බව ඉතා කාරුණිකව ඔබට මතක් කරමු.
  1. නාම පත්‍රය සැකසීම සඳහා ප්‍රමාණවත් කාලයක්  ලබා දීම. (නාම පත්‍රය සැකසීම කිසියම් නිර්මාණාත්මක කාර්යයක් බැවින් ඊට සරිලන ප්‍රමාණවත් කාලයක් තිබිය යුතු ය. වැඩි කාලයක් ලබාදීමෙන් වඩාත් හොඳ සේවාවක් ලබාදිය හැකි බව අපි අත්දැකීමෙන් දනිමු.)
  2. ඔබට අවශ්‍ය නාමය පිළිබඳ ප්‍රමාණවත් පැහැදිලි කිරිමක් අප වෙත ලබා දීම. (එහිදී ඔබ කැමැති යම් ආදර්ශ නාමයක් (model name) ක් – ඔබට ඇසුණු ඔබේ සිත බැඳගත් නාමයක් / මෙවැනි නාමයක් හෝ මීට ආසන්න නාමයක් යනුවෙන් පෙන්වා දිය හැකි නිදසුන් නාමයක් ඇත්නම් එය අප වෙත දන්වීම, ඔබේ රුචිකත්වය වටහා ගැනීමට අපට ඉවහල් වේ.
  3. පළමු සහ දෙවන නාමයන් ආරම්භ විය යුතු යම් නිශ්චිත අක්ෂර ඇත්නම් ඒවාද, ඒ ඒ නාමයන්ට ඇතුළත් විය යුතු යම් අක්ෂර ගණනක් ඇත්නම් ඒ ගැනද පැහැදිලිව අප වෙත දැනුම් දීම.
  4. ඔබට වැඩිමල් දරුවන් සිටීනම්, ඔබට අවශ්‍ය ඔවුන්ගේ නාමයන් හා සැස‍ඳ‍ෙන නව තාලයේ නාමයක් නම් ඒ බව අපට පැහැදිලිව දැනුම් දීම.
  5. අවශ්‍ය වුවහොත් නාම පත්‍රය සැකසීමට පෙර වැඩිදුරටත් ඒ පිළිබඳ සාකාච්ඡා කිරීම.
අප වෙත අැමතුමක් ලබා දීමෙන් අපගේ සේවාවන් පිළිබඳ ඔබට දැනුවත් විය හැක. නැතහොත්, srilankababynames@gmail.com ඊමේල් ලිපිනයට, ඔබගේ නම, දරුවා උපන් රට කුමක්ද යන්න සඳහන් ඊමේල් පණිවිඩයක් යොමු කිරීමෙන්, අපගේ සේවාවන් පිළිබඳ විමසිය හැක. 
නාමකර්තෘ
ඉෂ්ඨාර්ථ බිළිඳු නාම

ඔබේ දරුවාටම අනන්‍ය දුර්ලභ නාමයක් ලබා ගත හැකි මග ……

දරුවන්ට නම් තැබීම පිළිබඳ දිනපතා අප වෙත විවිධාකාර ඉල්ලීම් ලැබෙයි. නම් තැබීම පිළිබඳ විවිධ දෙනා විවිධ අදහස් දරති. කෙසේ වුවද සෑම අයෙක්ම පොදුවේ එකඟවන එක් කරුණක් ඇත. එනම්, තමාගේ දරුවාටම පමණක් ආවේණික අලංකාර හා අරුත්බර නාමයක් පැවතිය යුතුය යන්නයි.
ඇතැමෙක්ට, තමාගේ දරුවාගේ නාමය කෙසේ සකස් විය යුතුද යන්න පිළිබඳ පැහැදිලි චිත්‍රයක් නොපවතී. ඒ නිසාම තමාට අවශ්‍ය ආකාරයේ නාමයක් සකසා ගත නොහැකිව ලතැවෙන්නටද, නිකරුණේ මුදල් වැය කර ගන්නටද, ඔවුනට සිදු වේ. එහෙත් ඇතැමෙක්, තමාගේ දරුවාගේ නාමය මෙසේ සකස් විය යුතු යැයි නිශ්චිත වශයෙන් දැක්වීමට සමත් වෙති. එවන් මව්පියන්ට ඔවුන්ගේ අවශ්‍යතාව ප්‍රකාරව, ඔවුන්ට ඉහළින්ම තෘප්තියට පත් විය හැකි ආකාරයේ සාර්ථක නාමයන් සකසා දීමට හැකි වූ බව,  ගෙවුණු කාලය තුළ අප අත් දැක ඇති සත්‍යයයි. 
දරුවාට නම් තැබීම පිළිබඳ සියලු මව්පියෝ එකම අදහසක් නොදරති. කෙනෙක් සිංහල සම්ප්‍රදායට නැඹුරු, සාහිත්‍යාත්මක, සෞන්දර්යාත්මක නාමයක් ඉල්ලා සිටින විට, තවත් කෙනෙක් ඉල්ලා සිටින්නේ, සරලව උච්චාරණය කළ හැකි,  කෙටි, ඉංග්‍රීසියට නැඹුරු නාමයකි.  එසේම එක් එක් මව්පියන්ගේ දැන උගත්කම් අනුවද, සමාජ තරාතිරම අනුවද, ඔවුනොවුන්ගේ පුද්ගලික රුචි අරුචිකම් අනුවද, වෘත්තීන් අනුවද, ඔවුනොවුන් ඉල්ලා සිටින නාමයන්ගේ පැහැදිලි විවිධත්වයක්, පරස්පරතාවක් දැකිය හැක. එබැවින් දරුවන්ට නම් තැබීමේදී, සියලු දෙනා උදෙසා එකම ආකාරයේ රටාවක් අනුගමනය කිරීම ඵලදායක නොවේ. සාධාරණ නොවේ.

ඇත්තෙන්ම දරුවෙකුට නාමයක් සැකසිය යුත්තේ බොහෝ සාධක සැලකිල්ලට ගෙන ය. අතීතයේදී දරුවෙකුට නම් තැබීම යනු, සතර වරිගයේ ඥාතින් කැඳවා මහත් උත්සවාකාරයෙන් සිදු කළ චාරිත්‍රයකි. මහ බෝසත් කුමරුට නම් තැබීමේ උළෙල ඊට කදිම නිදසුනකි.

වර්තමානය වන විට, දරුවාට නම් තැබීමේ කටයුත්ත පිළිබඳ එතරම් ඉහළ වටිනාකමක් හිමි වී නැතද, බොහෝ දෙමව්පියන් තවමත් දරුවාට අර්ථවත් නාමයක් තැබීම පිළිබඳ වෙහෙසෙති. එය වුවද සතුටට කරුණකි.  නිකම්ම නිකම් ශබ්දයට පමණක් වහල් වූ “නම් කෑල්ලක්” තබනවා වෙනුවට, කිසියම් යහපත් අර්ථයක් සහිත නාමයක් දරුවාට හිමි කර දීම තුළින්, කුඩා කල සිටම ඔහු හෝ ඇය තුළ යහපත් අදහසක් වර්ධනය කළ හැකි වෙයි.  සාර්ථක නාමයක් පුද්ගලයාව නියාමනය කිරීමට සමත් වෙයි. ඇතැම් සුරතල් සතුන්ටද විවිධාකාර නාමයන්ගෙන් අමතයි. නමුත් එම සතුන්ට එම නාමයේ අර්ථය සංජානනය නොවෙයි. උන්ට එය හුදෙක් හඳුනාගැනීමේ ශබ්ද මාත්‍රයක් පමණි. නමුත් මිනිසුන්ගේ නාමයන් එසේ යුතු නැත. ශබ්දය ඉක්මවා ගිය අර්ථයක් සංජානනය කර ගැනීමට මිනිසාට හැකි ය.
කෙසේ වුවද, දරුවාගේ නාමය පිළිබඳ ඒ ඒ මව්පියන් දරන්නේ කුමන මතයක්දැයි යන්න විමසීම, අපගේ සේවාව වඩාත් කාර්යක්ෂම ආකාරයෙන් ඔබ වෙත සැපයීම උදෙසා අප ගන්නා වෑයමකි. අප ඔබගෙන් අය කර ගන්නා මුදලට සරිලන ඉහළම සේවාවක් ඔබ වෙත සැපයීම, වඩාත් සාර්ථක නාම පත්‍රයක් ඔබ වෙත සැපයීම, අපගේ අභිප්‍රායයි.
ඒ උදෙසා, දරුවාට නාමයක් සොයමින් අප වෙත පැමිණෙන, ඔබ වෙතද පැවරෙන කිසියම් කාර්යයක් ඇත. ඔබ අපගේ සේවාව ලබා ගැනීමෙන් පසු, අප විසින් ඉල්ලා සිටින තොරතුරු නිසි ආකාරයෙන්, නොපමාව අප වෙත සැපයීමට කටයුතු යෙදීම, ඔබගේ අවශ්‍යතාව නිසි ආකාරයෙන් සපුරාදීමට ඉවහල් වන්නකි. තමාගේ දරුවාට අනන්‍ය විශේෂ නාමයක් සකසා ගැනීමට අපේක්ෂා කරන මව්පියන් ඒ පිළිබඳ විශේෂයෙන් සැලකිලිමත් වීම මැනවි.
එසේ නොමැතිනම්, අපගේ පළපුරුද්දට අනුව, අපගේ නාමකරණ ප්‍රාගුණ්‍යයට අනුව, දරුවාගේ ජන්ම අක්ෂරවලට අනුකූලව, අර්ථවත් නිරුක්ති පිහිටුවමින්, අලුතින් නිර්මාණය කරන්නා වූ නව තාලයේ නාමයන් අතුරින් සුදුසු නාමයක්, ඔබේ දරුවා වෙනුවෙන් තෝරා ගත හැකි නම්, එයද සාර්ථක මගකි.
කෙසේ වුවද තීරණය ඔබ සතු ය. තමාගේ පින් මහිමයෙන් ලද ආදරණීය දරු සිඟිත්තාට කෙබඳු ආකාරයේ නාමයක් තැබිය යුතුදැයි, පැහැදිලි හා නිශ්චිත අදහසක්, ඔබ තුළ ඇති පමණට, ඔබේ සිතුම් හා සසැඳ‍ෙන, සාර්ථක හා පරිපූර්ණ නාමයක් අප වෙතින් ලබා ගත හැකි ය.  අප වෙත ඇමතීමෙන් හෝ, srilankababynames@gmail.com ලිපිනයට, ඊමේල් පණිවුඩයක් යොමු කිරීම මඟින්, අපගේ සේවාවන් පිළිබඳ ඔබට දැනුවත් විය හැකි ය. 
නාමකර්තෘ
ඉෂ්ඨාර්ථ බිළිඳු නාම